Diyaarad Nuuca drown-ka ah oo aan duuliyaha laheyn ayaa goordhow ku soo dhacday qeybo ka mid ah degmada Yaaqshiid ee Gobolka Benaadir.
Diyaarada ayaa ku dul dhacday goob banaan ah oo kutaala Xaafada Ceymiska ee Degmadaasi,sida ay inoo sheegeen dad Goobjoogayaal ah.
Wararka ayaa waxa ay intaasi ku darayaan in Guryo ka sameysan Jiingado oo ka agdhawaa goobta ay qaar ka mid ah khasaaro aad u yar ka soo gaaray, Mana jiro wax khasaaro nafeed h oo ka dhashay Diyaarada drown-ka ee ku dhacday Xaafada Ceymiska ee degmada Yaaqshiid.
Dadweyne aad u farabadan ayaa ku xoobmay goobta diyaarada ay ku soo dhacday,waxaana la sheegayaa inuu dab ka kacay diyaarada markii ay soo dhacday.
