Sida ay Xaqiijiyeen Saraakiil ka tirsan Ciidanka Booliska Kenya Al-shabaab ayaa Degaanka Faafi oo Hoostaga Magaalada Gaarisa Ee Gobolka Waqooyi Bari Kenya ka soo Afduubtay Labo Macalin oo Bare ka ahaa Iskuul ku yaalla Degaanka Faafi.
Saraakiisha u hadlay Booliska Kenya ayaa sheegay in Kooxda wax Afduubatay ay Labada Macalin ay la aadeen dhanka Soomaaliya.
Sidoo kale waxaa Al-shabaab ay Dab qabadsiiyeen Iskuulkii laga soo Afduubtay Macalimiinta oo ku yaalay Degaanka faafi.
Ciidamo badan oo isugu jira Boolis iyo Milatariga Kenya ayaa bilaabay Baadi goobka Macalimiinta laga soo Qafaashay Iskuulka ku yaalla Degaanka Faafi ee Dhulka Soomaalida Kenya ku yaalla.
Shabaab dhowr Jeer ayey Weeraro ku qaadeen Gobolka Soomaalidu ay degto ee horay loo oran jiray NFD,balse hadda Kenya ay ula baxday Gobolka Waqooyi Bari Kenya.
