radiocadaado; Mas’uuliyiinta dalka Niger ayaa sheegaya in ay diyaarinayaan hawlgal culus oo ka dhan ah kooxda mintidka ah ee Boko Xaraam.
Wasiirka difaaca dalkaasi Niger Hassoumi Massaoudou ayaa sheegay in ciidamo ka socda waddamada deriska ah ay hadda si buuxda diyaar ugu yihiin howlgal ka dhan ah dagaalyahanada kooxdani Islaamiga ah.
Waxa uu intaasi ku daray in waddinkiisa iyo waddamada kale ee ay xulufada yihiin ay haatan diyaar u yihiin in kooxdaasi ay ku baacsadaan gudaha Niger.
Waddama Chad, Cameroon, Nigeria iyo Niger ayaa waxa ay ka wada shaqaynayeen qorshe mideysan oo ka dhan ah Boko Xaraam.
Boko Xaraam ayaa dhowr jeer weerarro ka gaysatay gudaha dalka Niger.
