Kubad sameeyaha Arsenal Mesut Ozil ayaa qaab ciyaareed ilqabad leh soo bandhigay kulankii ay xalay kooxdiisa xasuuqday Basel ciyaartii ugu dambeysay wareega group-yada koobka Champions League-ga markaas oo ay ku xaaqeen 1-4.
Xidigaan reer Jarmal ayaa caawiye ka ahaa goolkii uu dhaliyay da’yarka reer Nigeria Alex Iwobi kulanki ka dhacay St. Jakob-Park.
Lucas Perez ayaa dhaliyay sadexley, iyadoo Gunners ay xaqiijisay iney booska koowaad kaga soo baxday group-ka A madama ay barbaro 2-2 ah gashay Paris Saint Germain.
Si kastaba tan iyo markii uu kasoo muuqday Champions League-ga markii ugu horeysay Ozil ayaa caawiyay 23-gool, halka Messi uu caawiyay 24, sidoo kalana Ronaldo uu caawiyay 26-gool, waana kaliya inta ay sameeyeen mudada uu xidigaan ciyaarayo tartankaan.
