Xidiga kooxda Arsenal Alexis Sanchez ayaa la sheegay inuu dalbaday mushaar u dhigma kan Paul Pogba uu ka qaato Man United hadii la doonayo inuu sii joogo kooxdiisa Arsenal laaki xaalada ayaa haatan is badashay iyadoo loo soo bandhigay mid kaba badan kii uu dalbanayay.
Laacibka labada jeer ku guuleystay Copa America ayaa helay dalab uu todobaadkii ku qaadanayo lacag dhan £400,000 oo pound ka ingiriiska hadii uu Arsenal kaga dhaqaaqo dhanka dalka China, sida ay qortay Daily Mirror.
Ninkaan Chile u dhashay ayaa heshiis ilaa 18 kula jira kooxdiisa waxaana socda muran dheer oo ah qaabka uu heshiiska ugu kordhin lahaa kooxdiisa, wuxuuna doonayaa in heshiiskiisa uu haatan ku qaato todobaadkii lacagta dhan £130,000 oo pound la gaarsiiyo in ka badan £200,000 oo pound.
Juventus iyo Manchester City ayaa xiiseynaya Alexis, inkastoo labadooda midna uusan awoodin iney bixiyaan lacag u dhiganta tan ay soo bandhigayaan kooxaha Chinese Super League.
Arsenal ayaa xili horeba raadineysa badalka Alexis waxayna eeganayaan xidiga Borussia Dortmund ee Marco Reus.
