Dagaal u dhaxeeya lama malleshiyo beeleed ayaa ka dhacay Shalay degmada Caabudwaaq ee gobolka Galgaduud, kaasi oo sababay khasaare isugu jira dhimasho iyo dhaawac.
Dagaalkan ayaa socday ku dhowaad 3 saac, waxaana halkaasi ku dhintay 6 qof oo dhinacyadii dagaallamayey u badan, iyadoo 15 kalena ay halkaasi ku dhaawacmeen sida ay inoo sheegeen qaar kamid ah dadka ku dhaqan degmadaasi.
Wararka qaar ayaa waxay sheegayaan in dagaalkan uu salka ku hayo qof daraato lagu dilay degmada Caabudwaaq, iyadoo hadda dagaalka uu ka yara qaboobay sidii uu ku billowday maanta.
Waxgaradka degmada Caabudwaaq iyo maamulka degmadaasi ayaa ugu baaqay dhinacyada ku dagaallamay degmadan in xaaladda qaboojiyeen oo wax walbo lagu dhameeyo wada hadal iyo is faham.
Xaaladda Dagmada Cabudwaaq Oo Noqon Rabta Sidii Gaalakacyo Ayaa Saakay Laga dareemaya saan-saan colaadeed
