Ra’isalwasaraha Soomaaliya Mudane Cumar C/rashiid Cali Sharmaake ayaa ka hadlay xaalada siyaasadeed ee dalka iyo Hormarada uu Hiigsanayo.
Cumar C/rashiid oo ku sugan dalka Jabuuti ayaa la kulmay Madaxweyne Ismaaciil Cumar Geelle, isagoo uga warbixiyay xaalada Soomaaliya, doorashooyinka dhowaan dhici doona, isagoo ka codsaday in Jabuuti gacan ka geysato.
Raysal Wasaaraha Soomaaliya ayaa dawlada Jabuuti ka codsaday inay Garwadeen ka noqoto arimaha Doorashooyinka, maadaama aheyd halka lagu unkay Carte dowladdii KMG aheyd, isagoo uga mahad celiyay sida ay mar walba Soomaaliya u garab taagan yihiin.
Raysal wasaaraha ayaa rajo wanaagsan ka muujiyey doorashooyinka la filayo inay ka dhacaan dalka Soomaaliya gaba gabada sanadkan aynu ku guda jirno.
Magaalooyinka waa weyn ee maamul goboleedyada ayaa waxaa ka socda dhaq dhaqaaqyo la xiriira doorashada aqalka hoose, waxaana ku qul qulaya Musharaxiin xilal doon ah oo raadinaya Kursi Xildhibaan
