Ciidanka Amaanka Dalka Kenya ayaa gacanta ku dhigay Muwaadin British ah iyo sidoo kale Labo Dumar ah, kuwaas oo asal ahaan ka soo jeeda Soomaaliya.
Dhalinyaradan ayaa lagu eedeeyay in ay xiriir la leeyihiin,Al-shabaab, waxaana xilligii la qabanayay ay ku sugnaayeen Guri ku yaalla xaafada Gigiri ee Magaalada Nairobi ee Dalka Kenya, sida uu baahiyay Wargeyska The Star.
Dadkan la qabatay ayaa la sheegay in Dalka Kenya ay ka wadeen Howlo ku aadan, sidii Dhalinyarada Kenyanka ah Shabaab ugu biirin lahaayeen.
Saraakiisha Booliska Kenya ayaa sheegay in ay heleen Buugaag ay ku bixinayeen casharada ku saabsan Tababarka iyo agab kale.
Booliska Dalka Kenya ayaa warbaahinta u sheegay in ay u soo bandhigi doonaan Magacyada iyo Sawirada Dhalinyaradan lagu qabtay Dalka Kenya ee lala xiriirinayo AL-Shabaab Shabaab.
