Wasiir ku-xigeenka Wasaaradda Gaashaandhiga Xukuumadda Federaalka Soomaaliya Mudane Cabdala Xuseen Cali ayaa Wakaaladda Wararka Soomaaliyeed ee SONNA u xaqiijiyay in Ciidamada Xoogga dalka Soomaliyeed gaar ahaan kuwa DANAB ay ku dileen Duleedka Deegaanka NO.50 oo ka Tirsan Gobalka Shabeelaha Hoose 14 ka tirsanaa dagaalyanada Xarakada Al-Shabaab oo isugu jira Saraakiil iyo Ciidamo.
Cabdala Xuseen Cali Wasiir ku-xigeenka Wasaaradda Gaashaandhiga Xukuumadda Soomaliya ayaa sidoo kale tilmaamay in Ciidamada iyo saraakiisha la dilay ay qorsheynaayeen in ay Weeraro ka geestaan Deegaana ka tirsan Gobalka Shabeelaha Hoose lagana furtay Hub fara badan,islamarkaana laga gubay Gaarikagii ay Wateen.
Ilaa hadda ma jiro wax war ah oo kasoo baxay Dhanka Xarakada Al-shabaab oo ay ugu hadlayaan sheegasha Wasaaradda Gaashaandhiga Xukuumadda Federaalka Soomaaliya ee ku aadan in la dilay Ciidamo iyo Saraakiil ka Tirsanaa Shabaab.
