Magaalada Garoowe oo xarun u ah Maamulka Puntland oo maalmihii u dambeeyay ay ku sii qul qulayeen Musharaxiin isugu jira kuwa doonaya in ay ka mid noqdaan xildhibaanada cusub ee Dowladda Federaalka iyo Musharaxiinta u taagan qabashada xilka Madaxtinimo ee Soomaaliya ayaa si weyn oo la adkeeyay amaankeeda , Waxaana deegaanada iyo wadooyinka Soo gala Garoowe lasoo dhigay ciidamo dheeraad ah oo loogu tala galay xaqiijinta amniga Garoowe.
Sidoo kale waxaa magaalada ka socda howgallo balaaran oo ay wadaan ciidanka ammaanka , waxaana baaritaano lagu sameynaaya dadka iyo sidoo kale gaadiidka Soo galaya Garoowe.
Taliyaha ciidanka maamulka Puntland Saciid Maxamed Xirsi ayaa sheegay in ammaanka si weyn loo adkeeyay , islamarkaana ciidanka difaaca Puntland ay diyaar u yihiin in ay sugaan ammaanka Musharaxiinta soo gaaray Garoowe.
Taliyaha Ciidanka ammaanka maamulka Puntland ayaa ugu baaqay qeybaha kala duwan ee bulshada in ay ka qeyb qaataan sugista amniga magaalada Garoowe.
