Ximcadde{ Radio Cadaado}= Wararka ka imaanaya Gobolka Galgaduud gaar ahaan Degaanka Ximcadde oo hoostaga Degmada Ceelbuur ayaa sheegaya in Goor dhaw ay Al-shabaab la wareegeen Degaankaasi.
Degaanka Ximcadde ee Gobolka Galgaduud ayaa waxaa Shalay ka dhacay Dagaal u dhexeeya Labo Maleeshiyo Beelood,waxaana Dagaalkaasi ku dhintay Ilaa 20 Qof oo u badan Maleeshiyaadkii Dagaalamay.
Al-shabaab ayaa Dadka Degaanka Ximcadde u sheegay in ay doonayaan kala dhexgalka Maleeshiyada halkaa ku Dagaalamay.
Ahlusunna ayaa shalay sheegtay in ay Ciidamo kala dhexgala Maleeshiyada Dagaalamay ay u dirayaan Degaanka Ximcadde.
