Faah Faahin:-Sarkaal Ciidan Oo Lagu Dilay Magaalada Jowhar

0
33

Kooxo hubeysan ayaa xalay Magaalada Jowhar ee Caasimadda Hirshabeelle waxaa ay ku dileen Sarkaal la sheegay inuu ka tirsanaa Ciidanka dowladda Soomaaliya oo ku sugnaa Magaaladaas.

Dilkan ayaa waxaa uu ka dhacay Xaafad ka tirsanaa Jowhar,isla markaana waxaa Sarkaalka u geystay rag dhalinyaro ah oo watay Bastoolado,kuwaasi oo goobta ka baxsaday.

Dad goobjoogayaal ah ayaa sheegay in Ciidamo Booliska ay tegeen goobta uu falka ka dhacay,iyadoo halkaas ka qaaday Meydka Saraalka la dilay.

Wararka ayaa intaasi waxaa ay ku darayan in Ciidanka dowladda xalay Jowhar ay ka sameeyeen Howlgal lagu raadinayo ragii  fuliyay dilkii ka dhacay halkaas,hayeeshee weli ma jiro wax war ah oo ka soo baxay laamaha amniga Jowhar.

Al-shabaab ayaa sheegtay Mas’uuliyiyada dilkii loo geystay Saraalka ka tirsanaa Ciidanka dowladda,iyadoo sheegay in ragii fuliyay dilka ay horey usoo qaateen Qori A74 uu watay Sarkaalka.

Magaalada Jowhar ee Caasimadda Hirshabeelle ayaa waxaa xiliyada qaar ka dhaca dilal qorsheysan,waxaana inta  badan Mas’uuliyadooda sheegta Al-shabaab

LEAVE A REPLY

Please enter your comment!
Please enter your name here