Dilal Ka Dhacay Degmada Afgooye & Howlgal Ka Socda

0
105

Warar dheeraad ah ayaa ka soo baxaya Kooxo ku hubeysnaa Bastoolado oo saakay  gudaha Degmada Afgooye ee Gobolka Shabeellaha Hoose ku dishay Sarkaal la sheegay in uu ka tirsanaa Ciidamada dowlada.

Dilkaasi ayaa waxaa la sheegay in uu ka dhacay Xaafad ka tirsan degmadaasi,isla markaana rag hubeysn ay toogteen sarkaalka oo ka tirsanaa Ciidamada Asluubta xili oo ku sugnaa halkaasi.

Ragii ka dambeeyay dilka ka dhacay Degmada Afgooye ayaa durbo goobta si deg deg ah uga baxsaday,iyagoona halkaasi ay gaareen Ciidamo ka tirsan dowlada oo qaaday Meydka Sarkaalka la dilay.

Al-shabaab ayaa sheegay Mas’uuliyada Sarkaalka la sheegay in  uu ka tirsanaa Ciidamada dowlada ee saakay lagu dilay Degmada Afgooye.

Warar kale oo aan heleyno ayaa sheegaya in Afgooye lagu dilay Nin Da’ahaa,kaasi oo la wararka qaar ay sheegayaan in uu ahaa Guddoomiyaha Xuquuql Insaanka ee degmadaasi.

Dhinaca kale Ciidamada dowlada Soomaaliya ayaa waxaa lagu soo waramayaa in halkaasi haatan ay ka wadaan howlgal xoogan,kaasi oo amniga lagu xaqiijinayo.

Inta badan degmada Afgooye ee Gobolka Shabeellaha Hoose ayaa waxaa mararka qaarkood ka dhaca dilal qorsheyan,waxaana sheegta Al-shabaab.

 

LEAVE A REPLY

Please enter your comment!
Please enter your name here