Magalada Baydhabo Oo Laga Mamnuucay Gaadiidka Inay Galaan Xilliyada..

0
69

Waxaa siweyn loo adkeeyey Amniga Magalada Baydhabo ee Xarunta gobolka Baay,iyada oo Saraakiisha amniga koonfur Galbeed Soomaaliya ay soo saareen ammaro dhanka amniga ku saabsan.

Saraakiisha ayaa mamnuucay in xilliyada habeenkii Gudaha Magalada Baydhabo ay galaan Gaadiidka,isla markaana lagu celinayo banaanka Magalada ilaa iyo inta lagu guda jiro Bisha Barakeysan ee Ramadaan.

Ammarada ayaa sidoo kale waxa ay farayaan in markii la gaaro Habeenkii Gaadiidka noocyadiisa kala duwan lagu celiyo koontoroolada lagasoo galo Magalada,iyada oo dadka saran ay lug kusoo galayaan Magalada Baydbao.

Saraakiisha amniga Maamulak Koonfur Galbeed ayaa waxa ay sheegeen in tani looga gol leeyahay in la adkeeyo amniga Magaalda Baydhabo oo todobaadkii hore xilli habeen ah uu ka dhacay weerar bambaano.

Ciidamo ka tirsan kuwa Maamulka Koonfur Galbeed ayaa lagu arkayaa Wadooyinka waaeyn ee Magalada Baydhabo kuwaas oo siweyn amniga u adkeynaya,waxana xusid mudan in todobaadkii hore Baydhabo lagu qabtay shir ay lahaayeen madaxda dowlad Goboleedyada.

LEAVE A REPLY

Please enter your comment!
Please enter your name here