Sawirro:-Madaxa AMISOM Soomaaliya Oo La Kulmay Guddoonka Labada Aqal Ee Baarlamaanka

0
6

Guddomiyaha Golaha Aqalka Sare Muddane Cabdi Xaashi Cabdullahi ayaa Xafiiskiisa ku qaabilay Wakiilka Middowga Afrika ee Soomaaliya ahna  Madaxa AMISOM Danjire Francisco Madeira ,ayagoo ka wada hadlay xoojinta wada shaqeynta Golaha Aqalka Sare iyo Middowga Africa.

Guddoomiyaha Aqalka sare Mudane Cabdi Xaashi C/llaahi ayaa ku ammaanay Wakiilka Midowga Africa booqashada uu ugu yimid xarunta Golaha Aqalka sare iyo siday ugu heelan yihiin taageerada Soomaaliya.

Wakiilka Midowga Africa ee Soomaaliya ahna Madaxa Howlgalka AMISOM Danjire Francisco Madeira ayaa kormeeray dhammaan waaxaha xarunta Aqalka sare ay ka kooban tahay,isagoona bogaadiyay howsha adag ee Xildhibaanada Aqalka sare u hayaan Ummada Soomaaliya.

Dhanka kale, Gudoomiyaha Golaha Shacabka ee Baarlamaanka Federaalka Soomaliya Mudane Amb: Mohamed Mursal Sheikh C/raxmaan ayuu Kulan gaar ah La Qaatay Wakiilka gaarka ah ee Midowga Africa U Qaabilsan Arimaha Soomaliya ahna Madaxa AMISOM Danjire Francisco Madeira,ayagoona ka wada hadlay xoojinta wada shaqeynta AMISOM iyo Xildhibaanada Golaha Shacabka.

LEAVE A REPLY

Please enter your comment!
Please enter your name here