Dhageyso:-Xaalada dhaawacyada qarixii Zoobe ee loo qaaday Kenya

0
160

Weerarkii khasaaraha badan dhaliyay ee ka dhacay Zoobe 14,kii Octooper ayaa ahaa mid walaac badan ku abuuray Ummadda Soomaaliyeed,waxaana jiray dowladdo farabadan oo gurmad Caafimaad u soo fidiyay dadka Soomaaliyeed.

Dalka Kenya ayaa ka mid ah meelaha dadkaasi la geeyay si loogu daweeyo,waxaana haatan la sheegayaa in qaarkood xaaladooda ay soo hagaageyso,isla markaana ay rajeynayaan in dalka Soomaaliya ay dib ugu soo laabtaan.

Hadaba qaar ka mid ah dadkaas ayaa waxa ay sheegeen in ay hadda dareemayaan Caafimaad maadaama dowladda Soomaaliya iyo dowladda Kenya ay waqti badan gelisay sida ay caafmaadkooda ku soo hagaagi laheyd.

In kastoo ay aad u badnaayeen dadkii ku naf waayay qarixii Zoobe ayaa hadana waxaa jira dad qaarkood lixaadkooda ku waayay qaraxaas isla markaana ku socda Gawaarida ay isticmaalan dadka naafada ah.

Dhinaca kale Xogheyaha Koowaad ee safaarada Soomaalida ee dalka Kenya Xabiib Birmad Cigaal ayaa sheegay in inta badan dadkii howlo caafimad loogu keenay Kenya ay caafimaad qabaan halka weli kuwo kale daryeelkooda uu socdo.

Dadkii ku waxyeeloobay qarixii ka dhacay Zoobe 14,kii Octooper ayaa Caalamka ka helay gurmadyo Caafimaad kuwaas oo badan kood lagu guuleystay in la daweeyo,balse waxaa jirtay cabasho ka imaaneysay dhaawacyadii dowladda Qatar ay u qaaday dalka Suudan.

Hoos Ka Dhageyso Codka qaar ka mid ah dadka lagu daweynayo Isbitaalada dalka Kenya.

LEAVE A REPLY

Please enter your comment!
Please enter your name here