Kenya oo sheegtay in ay burburiyeen fariisinkii ugu weeynaa Al-Shabaab

Madaxa Hawlgalka Kenya ugu qaabilsan Kaymaha Boni, Joseph Kanyiri ayaa u sheegay Wargeyska The Nation inay burburiyeen 6 Xero oo Al-Shabaab ku lahaayeen Kaymahaasi oo ku yaalla Gobalka Laamu.

Waxa uu intaasi ku daray in Al-Shabaab u adeegsan jirey Kaymahaasi si ay Hawlgalo uga fuliyaan qeybo ka mid ah Gobalka Laamu.

Mas’uulkaasi waxa uu xaqiijiyey inay Saraakiisha Ammaanka Kenya ka soo heleen Kaymaha Boni hub ay ka mid yihiin Qoryaha AK 47, Qalabka laga farsameeyo Bambooyinka, Cunto iyo Daawooyin, waa sida uu hadalka u dhigay.

Dhinaca kale, Madaxa Hawlgalka Kenya ugu qaabilsan Kaymaha Boni, Joseph Kanyiri  waxa uu ugu baaqay Isbitaalladda ku yaalla magaalooyinka Laamu, Gaarissa, Kilifi iyo Mombasa inay Boliska ku soo wargeliyaan haddii ay arkaan qof doonaya in laga daaweeyo dhaawacyo rasaaseed.

Waxa uu ku dooday inay Hawlgalkaasi ku dileen dagaalyahano Alshabaab, inkastoo uusan tiradoodu sheegin, mana jiraan warar madax bannaan oo xaqiijinaya sheegashadiisa.

Leave a Reply

Your email address will not be published. Required fields are marked *

*