Mareykanka oo sheegay in duqeyn ku dileen sarkaal sare oo ka tirsan Al-shabaab

0
51

Dowladda Mareykanka ayaa ka hadashay duqeyn Isniintii lasoo dhaafay ka dhacday gobolka Jubbada Dhexe, waxaana duqeyntaasi Mareykanka uu sheegay in sarkaal sare lagu dilay.

Dowladda Mareykanka ayaa sheegtay in duqeynta ka dhacday meel ku dhow degmada Saakow ee gobolka Jubbada Dhexe.

John Kirby, xoghayaha difaaca Mareykanka ayaa sheegay in ciidamadooda ay beegsadeen saraakiil ka tirsan Al-shabaab kuwaasi oo ku sugnaa gobolka Jubbada Dhexe.

” Waxaan Beegsanay Sarkaal sare oo ka tirsan Al-Shabaab , howlgalkaasi waxaa fuliyay diyaaradaheena dagaalka , laakiin ma xaqiijin karo in uu jiro khasaare soo gaaray dadka shacabka ah.” ayuu yiri John Kirby.

Sidoo kale Mr Kirby, ayaa sheegay in howlgalkaasi ka qeyb qaateen ciidamo ka tirsan dowladda Soomaaliya.

Ma uusan sheegin magacyada saraakiisha Al-shabaab ka tirsan ee lagu dilay duqeyntaasi, laakiin wuxuu sheegay in todobaadyada soo socdo ay shaacin doonaan.

Diyaaradaha dagaalka Mareykanka ayaa duqeyno kala duwan ka geystay gudaha dalka Soomaaliya.

LEAVE A REPLY

Please enter your comment!
Please enter your name here